بشروه إني أبرحل من حياته...

بشروه إني أبرحل من حياته
........... بشروه وفرحوا فيني ذويه

كفنوا جسمي بماضي ذكرياته
........... ادفنوني فالمكان اللي يبيه

اطلبو منّه إذا خلّص صلاته
......... فوق لحدي يحمله براحة يديه

و لي وصل قبري وحقق له مناته
........... يدفن انسان يحبه يموت فيه

علموه إني وربي من غلاته
.......... أعشق ترابٍ مشت رجله عليه

حلفوه يشد ويقوي ثباته
........... لا ينزّل دمع يجرح له عينيه

باكر بيندم ويصحى من سباته
.......... يحتضن قبري ويبكي يرتجيه

يعتذر عن جرحه وظالم سواته
............ معترف بالذنب لكن بعد ايه

مايفيد الصوت دام الفوت فاته
.......... من خذاه الموت وش له يحتريه

الزمن غادر وتطحَنا رَحاته
............. ماصفا حاله على الدايم كذيه

يستوي ويقوم ويلملم شتاته
............ يبقى شامخ جلد صبار ونزيه

اطلبوه يسمي وحده من عياله
........... بإسمي وطيفي معا بنته يجيه

طمنوه اني مسامحه لذاته
............. بشروه.. الله يرضالي عليه

وادفنوه بجنبي ان حانت وفاته
.............. جنب انسان وربي يموت فيه


/

فعلا جميله وانا سمعتها من قبل بالجوووال تنفع رسالة ام ام اس ههههههههه

يسلمووو

ثنكس مرااااااااااروعه