لألعن ابو قلبي اذا كان رديت~~

خلاص طحتي من عيوني وقفيت
واليوم حبك من خفوقي نزعتـه

لألعن ابو قلبي اذا كـان رديـت
ولألعن ابو حب(ن) وفالك وخنته

انا عشانك بعت عمري وضحيـت
وكل الذي تبغـاه لجلـك فعلتـه

خليت كل الناس لجلك وحطيـت
حبك هنا بين المحانـي وصنتـه

ياقلب ياما قد نصحتـك وعييـت
شوف الحزن وشلون فيني رسمته

تركتني لاني بحـي(ن) ولاميـت
والجرح وسط الروح فيني زرعته

يعني عشاني قلتلك صدق حبيـت
والا عشان اسمك بصدري حفرته

حطيت لك بين المحاني هنا بيـت
وانت الذي بيديك عمـداً هدمتـه

عذبتني وانا الذي فيك ما اخطيت
قلب(ن) يحبك ليش بيدك جرحته
ماعاد ينفعني معك قـول ياليـت
ولاعاد ينفعلك معي عـذر قلتـه

حاولت اسامح لكن الصدق ازريت
يالخاين الكـذاب قلبـي وجعتـه

انا اشهد انك في جروحي تماديت
ياكم وكم قلبـي دعـاك وخذلتـه

ياخاين العشره انا عنك صديـت
والقلب لو يرجع برجلي دعستـه